4—6-njy mart aralygynda paýtagtymyz ýaşlar sportunyň merkezine öwrüldi. Şu günler ak şäherimizde möwsümiň iň joşgunly we özüne çekiji ýaryşlarynyň biri — 18 ýaşa çenli (U18) türgenleriň arasynda 3x3 basketbol boýunça Türkmenistanyň birinjiligini dowam edýär.
Duşuşyklar «Aşgabat» köpugurly stadionynda geçirildi.
Bu bäsleşik ýurdumyzyň iň güýçli toparlaryny bir ýere jemledi:
Oglanlaryň arasynda 16 topar çempionlyk ugrunda bärdeşdi.
Gyzlaryň arasynda bolsa 6 topar güýç synanyşdy.
Şu gün ýaryşyň jemleýji duşuşyklary geçirilýär. 14:40-da gyzlaryň bäsleşiginiň finaly başlansa, 15:00-da oglanlaryň ýaryşynyň jemleýji duşuşygyna badalga berilýär.
Bu ýaryşyň geçirilmegi paýtagtymyzda dowam edýän işjeň basketbol möwsüminiň logiki dowamy bolar. Ýeri gelen ýatlasak, ýaňy-ýakynda, ýagny 15-22-nji fewral aralygynda Aşgabatda mini-basketbol boýunça ýurdumyzyň birinjiligi üstünlikli geçirilipdi. Täze 3x3 basketbol bäsleşigi bolsa ýaşlar maksatnamalarynyň üstünligini has-da berkider we sportuň bu olimpiýa görnüşi boýunça geljegi uly türgenleri ýüze çykarar.
